|
FRÆÐASETRIÐ er til húsa að Glerárgötu 34, (Frumkvöðlasetrinu Verksmiðjunni) á Akureyri. Þar geta meistaranemar, doktorskandídatar og fræðifólk leigt sér vinnuaðstöðu og notið samvista og faglegs samstarfs við fólk úr ólíkum fræðigreinum. Skrifborð og nettenging er til staðar, auk matar- og kaffiaðstöðu og möguleika til fundahalda. Lögð er áhersla á góðan vinnuanda, næði til rannsókna og að unnið sé að sameiginlegum verkefnum með fólki úr ýmsum greinum.
AkureyrarAkademían er lifandi samfélag sjálfstætt starfandi fræðimanna og þau sem hafa aðstöðu í húsnæðinu taka virkan þátt í þessu samfélagi, uppbyggingu þess og þróun sem og daglegum rekstri húsnæðisins. AkureyrarAkademían og ReykjavíkurAkademían hafa gert með sér samkomulag um að þau sem leigja sér langtímaaðstöðu á hvorum stað fyrir sig geta fengið aðgang að vinnu- og fundaraðstöðu tímabundið í hinni Akademíunni. Ef þú hefur áhuga á að leigja þér vinnuaðstöðu í AkureyrarAkademíunni til lengri eða skemmri tíma þá geturðu haft samband við framkvæmdastjóra AkureyrarAkademíunnar í síma 833 9861 eða sent tölvupóst á netfangið kristinheba@akak.is |
|
|
|