|
|
Nám
Melkorka er með BA-próf í heimspeki frá Háskóla Íslands, með trúabragðafræði sem aukagrein. BA-ritgerðin fjallaði um trúarhugtakið. Vorið 2016 lauk hún BA-prófi í lögfræði frá Háskóla Akureyrar. BA ritgerðin fjallaði um þróun Dyflinnarreglugerðarinnar. Hún lauk fyrra námsári á meistarastigi í menntunarfræði og stundar nú meistaranám við Háskóla Íslands í hnattrænum tengslum. Um er að ræða þverfaglega námsleið þar sem áhrif hnattvæðingar á mannlegt samfélag eru greind og sett í samhengi.
Hún vinnur nú að meistararitgerð um möguleikann á því að norðurskautið verði kjarnorkuvopnalaust svæði.
Ritstörf
Á námsárum sínum í lögfræði var Melkorka aðstoðarritstjóri Lögfræðings, tímarits lögfræðinema við Háskólann á Akureyri. Þar tók hún virkan þátt í stefnumótun. Á vegum tímaritsins tók hún meðal annars ítarlegt viðtal við Ólaf Ragnar Grímsson, þáverandi forseta Íslands um málefni norðurslóða og við Jón Steinar Gunnlaugsson fyrrverandi hæstaréttardómara um hugmyndir hans varðandi úrbætur á réttarkerfinu. Melkorka er varamaður í stjórn Rauða krossins á Íslandi og skrifar greinar fyrir hreyfinguna, meðal annars til að vekja athygli á samningi Sameinuðu þjóðanna um bann við kjarnorkuvopnum, en Rauði krossinn átti virkan þátt í gerð samningsins.
Ráðstefnur
Melkorka var með erindi á ráðstefnu á vegum Alþjóðamálastofnunar Háskóla Íslands árið 2017 sem bar heitið Alþjóðasamvinna á krossgötum: Hvert stefnir Ísland?, þar fjallaði hún um nýleg lög um þjóðaröryggisráð Íslands með gagnrýnum hætti. Sama ár var hugmynd hennar valin sem ein af sex bestu hugmyndunum í hugmyndasamkeppni Höfða friðarseturs, um hvernig Reykjavíkurborg getur stuðlað að friði. Hún kynnti hugmyndina á friðarviku í Ráðhúsi Reykjavíkur í október sama ár. Þar var hugmyndin útfærð og loks afhent Reykjavíkurborg.
Melkorka er með BA-próf í heimspeki frá Háskóla Íslands, með trúabragðafræði sem aukagrein. BA-ritgerðin fjallaði um trúarhugtakið. Vorið 2016 lauk hún BA-prófi í lögfræði frá Háskóla Akureyrar. BA ritgerðin fjallaði um þróun Dyflinnarreglugerðarinnar. Hún lauk fyrra námsári á meistarastigi í menntunarfræði og stundar nú meistaranám við Háskóla Íslands í hnattrænum tengslum. Um er að ræða þverfaglega námsleið þar sem áhrif hnattvæðingar á mannlegt samfélag eru greind og sett í samhengi.
Hún vinnur nú að meistararitgerð um möguleikann á því að norðurskautið verði kjarnorkuvopnalaust svæði.
Ritstörf
Á námsárum sínum í lögfræði var Melkorka aðstoðarritstjóri Lögfræðings, tímarits lögfræðinema við Háskólann á Akureyri. Þar tók hún virkan þátt í stefnumótun. Á vegum tímaritsins tók hún meðal annars ítarlegt viðtal við Ólaf Ragnar Grímsson, þáverandi forseta Íslands um málefni norðurslóða og við Jón Steinar Gunnlaugsson fyrrverandi hæstaréttardómara um hugmyndir hans varðandi úrbætur á réttarkerfinu. Melkorka er varamaður í stjórn Rauða krossins á Íslandi og skrifar greinar fyrir hreyfinguna, meðal annars til að vekja athygli á samningi Sameinuðu þjóðanna um bann við kjarnorkuvopnum, en Rauði krossinn átti virkan þátt í gerð samningsins.
Ráðstefnur
Melkorka var með erindi á ráðstefnu á vegum Alþjóðamálastofnunar Háskóla Íslands árið 2017 sem bar heitið Alþjóðasamvinna á krossgötum: Hvert stefnir Ísland?, þar fjallaði hún um nýleg lög um þjóðaröryggisráð Íslands með gagnrýnum hætti. Sama ár var hugmynd hennar valin sem ein af sex bestu hugmyndunum í hugmyndasamkeppni Höfða friðarseturs, um hvernig Reykjavíkurborg getur stuðlað að friði. Hún kynnti hugmyndina á friðarviku í Ráðhúsi Reykjavíkur í október sama ár. Þar var hugmyndin útfærð og loks afhent Reykjavíkurborg.