|
|
Starfsferill |
Hulda Sædís hefur frá árinu 1996 starfað með ýmsum hópum í samfélaginu bæði sem almennur hjúkrunarfræðingur, stjórnandi og í öðrum hlutverkum. Eftir að hún lauk meistaranámi sínu árið 2016 starfaði hún sem hjúkrunarfræðingur og ráðgjafi hjá Starfsendurhæfingu Norðurlands. Hulda Sædís hefur komið að stundakennslu við heilbrigðisvísindasvið Háskólans á Akureyri frá árinu 2016 en starfaði sem aðjúnkt í hlutastarfi á sviðinu 2016-2017. Hún hefur starfað sem hjúkrunarfræðingur hjá HSN með öðrum störfum sínum frá 2016.
|
Námsferill |
Hulda Sædís hóf doktorsnám í heilbrigðisvísindum við HA árið 2019 sem beinist að eflingu kvenna sem beittar hafa verið ofbeldi í nánu sambandi (e. Posttraumatic growth among women who have suffered intimate partner violence). Sjá nánar á: https://www.jafnretti.is/is/um-jafnrettisstofu/frettir/ert-thu-kona-sem-hefur-verid-beitt-ofbeldi-i-nanu-sambandi
Meistaranám í heilbrigðisvísindum við HA árið 2016. Meistaraverkefnið fjallaði um eflingu fólks sem hafði misst starfsgetu í kjölfar sálrænna áfalla (e. post traumatic growth). Nám til kennsluréttinda við HA vor 2009. Framhaldsskólakennari í heilbrigðisgreinum. Diplomanám í Stjórnun og opinberri stjórnsýslu frá Háskólanum á Akureyri árið 2006. Hjúkrunarfræði B.Sc frá Háskólanum á Akureyri árið 1996. |
Nánar um doktorsrannsókn
|
Doktorsrannsókn Huldu Sædísar er um eflingu kvenna sem beittar hafa verið ofbeldi í nánu sambandi (e. post-traumatic growth among women wha have suffered intimate partner violence). Markmiðið er að greina hvaða leiðir konur fara til að eflast þrátt fyrir reynslu sína af ofbeldi í nánu sambandi, þeim sjálfum, ástvinum þeirra og samfélaginu í heild til heilla. Hulda Sædís er í samstarfi við alþjóðlega rannsóknarhópinn MiStory sem rannsakar kynbundið ofbeldi gegn konum undir stjórn Dr. Denise Saint Arnault, prófessor við Michigan háskóla. Aðalleiðbeinandi Huldu Sædísar í doktorsnáminu er Dr. Sigríður Halldórsdóttir en Dr. Sigríður stýrir íslenska hluta rannsóknarhópsins. Rannsóknin hefur hlotið styrki frá Jafnréttissjóði (2019 og 2020) og frá Félagi íslenskra hjúkrunarfræðinga. Gagnasöfnun fór fram í samstarfi við ýmis hagsmunasamtök, hagsmunahópa og einstaklinga sem vinna gegn kynbundnu ofbeldi. Hægt var að taka þátt í rannsókninni á heimasíðu Jafnréttisstofu. Sjá á: https://www.jafnretti.is/is/um-jafnrettisstofu/frettir/ert-thu-kona-sem-hefur-verid-beitt-ofbeldi-i-nanu-sambandi .
|
|
Ritrýndar fræðigreinar
og bókarkaflar |
Hulda Sædís Bryngeirsdóttir og Þorbjörg Jónsdóttir (2019). Heimildasamantektir sem rannsóknaraðferð. Sigríður Halldórsdóttir (ritstjóri), Rannsóknir: Handbók í aðferðafræði (innsent). Reykjavík: Háskólaútgáfan
Hulda Sædís Bryngeirsdóttir og Sigríður Halldórsdóttir (2018). „Eins og að fara niður svarta brekku og koma svo upp græna hlíðina“: Reynsla fólks af auknum þroska í kjölfar sálrænna áfalla. Tímarit hjúkrunarfræðinga, 94(1), 86-94. Hulda Sædís Bryngeirsdóttir, Sigrún Sigurðardóttir og Sigríður Halldórsdóttir (2016). Mikilvægi styðjandi fagfólks við að ná vexti í kjölfar áfalla. Í Helga Ólafs og Thamar M. Heijstra (ritstj.), Þjóðarspegillinn: Ráðstefna í félagsvísindum XVII. Reykjavík: Háskóli Íslands. |