Samstarfssamningur Háskólans á Akureyri og AkureyrarAkademíunnar

Eyjólfur Guðmundsson, rektor Háskólans á Akureyri, og Aðalheiður Steingrímsdóttir, framkvæmdastjóri AkureyrarAkademíunnar, hafa endurnýjað samstarfssamning aðila til næstu þriggja ára. Markmið samningsins er m.a. að efla samstarf milli aðila og stuðla að sem bestri nýtingu sérfræðiþekkingar, kunnáttu, efniviðs og aðstöðu sem samningsaðilar búa yfir. Á liðnum árum hefur samstarf HA og AkAk verið gott og farsælt. Við í AkureyrarAkademíunni fögnum endurnýjun samningsins og hlökkum til frekara samstarfs við HA.