Fréttabréf AkureyrarAakdemíunnar hafa hafið göngu sína og er stefnt að því að þau komi út að jafnaði mánaðarlega.
Þau eru send til fulltrúa AkAk og samstarfsaðila stofnunarinnar.
​Tilgangurinn er að miðla upplýsingum um það helsta sem er efst á baugi í starfinu hverju sinn hjá AkAk og að styrkja gagnkvæm tengsl og samskipti. 

Arndís Bergsdóttir doktor í safnafræði verður með fyrirlestur fyrir heimilisfólk á dvalarheimilinu Hlíð á Akureyri þann 12. nóvember og verður honum streymt þangað út af kvóvít-19.
Fyrirlesturinn heitir Það sem konur gerðu. Rýnt í sýningu safnsins að Snartastöðum og byggir hann á rannsókn Arndísar á safninu að Snartastöðum í Norður-Þingeyjarsýslu. Safnið er um margt ólíkt öðrum byggðasöfnum á landinu því þar skipar handverk kvenna og heimilishald veglegan sess í safneigninni og var það Rannveig Gunnarsdóttir sem kom safninu á fót. Í fyrirlestrinum verður farið stuttlega yfir sögu byggðasafna á Íslandi, fjallað um safneignina að Snartastöðum, henni lýst og dregin fram sú saga af vinnu kvenna sem safnið segir. 

​AkureyrarAkademían og öldrunarheimili Akureyrarbæjar eiga með sér samstarf eins og undanfarin ár um að akademónar haldi þar fyrirlestra fyrir heimilisfólk um ýmis fróðleg og áhugaverð efni. Vegna kóvít-19 verður fyrirlestrum að þessu sinni streymt til heimilisfólks og fer fyrsti fyrirlesturinn fram á morgun, fimmtudag 12. nóvember. Sá næsti verður í desember og tveir fyrirlestrar verða síðan í byrjun næsta árs. Við hjá AkAk erum mjög ánægð með að geta lagt eldri borgurum lið og stytt þeim stundirnar við þessar aðstæður í samfélaginu.