Myndir: Jana Arnarsdóttir og Vigdís Eva Steinþórsdóttir

 Á Akureyrarvöku þann 27. ágúst síðastliðinn stóð AkureyrarAkademían fyrir „Samtali um hamingjuna“ í Hlöðunni Litla-Garði, þar sem Gunnar Hersveinn og Edda Björgvinsdóttir ræddu ýmsar hliðar hamingjunnar. Viðburðurinn var vel sóttur og þurftu margir frá að hverfa.

AkureyrarAkademían fékk tvo nemendur úr Kvikmyndaskóla Íslands til að taka viðburðinn upp og geta þeir sem ekki komust að bráðlega horft á samræðurnar á netinu. Kynnt verður á heimasíðu og Facebook síðu AkureyrarAkademíunnar þegar samræðurnar verða aðgengilegar.
​
AkureyrarAkademían þakkar Gunnari Hersveini og Eddu Björgvinsdóttir fyrir góðar og lærdómsríkar samræður. Ungmennunum í Skapandi sumarstörfum fyrir glæsilega sýningu og þeim fjölmörgu sem lögðu leið sína í Hlöðuna Litla-Garði kærlega fyrir komuna.