​Bókin, Saga netagerðar á Íslandi, eftir Sigurgeir Guðjónsson akademóna og sagnfræðing kom nýlega út í prentaðri útgáfu en áður var búið að gefa hana út sem rafbók. Útgefandi er Félag vélstjóra og málmtæknimanna (VM). Netagerð eru þar ein af fleiri fagreinum og í ritinu er þróun netagerðar fylgt frá fyrri öldum til nútímans. Einstakir forvígismenn greinarinnar eru kynntir og þeirra framlag rakið. Einnig fylgir samantekt á launa- og stéttabaráttu Nótar, félags netagerðarmanna. Á fyrstu árum Nótar unnu margar konur í netagerð og var félagið öflugt þegar kom að jafnlaunastefnu kynjanna og almennri jafnréttisbaráttu kvenna. Jafnframt er því lýst hvernig reynt var að efla netagerð sem löggilda iðngrein innan íslensks skóla- og menntakerfis. Hægt er að nálgast bókina á heimasíðu VM bæði sem rafbók og á pdf formi. Þess ber geta að árið 2017 gaf félagið út, Saga vélstjórastéttarinnar á Íslandi, og var Sigurgeir einnig höfundur að þeirri bók. 

Í sumar verður Iðnaðarsafnið á Akureyri með viðburði á fimmtudögum. 
​Dagskrá Fimmtudagsviðburðanna á Iðnaðarsafninu er sem hér segir:
17. júní - Formleg opnun sýningarinnar „Terra Fyrir herra kl. 13.00.
1. júlí - Átti merki KEA virkilega heima á Akureyrarkirkju? Jón Hjaltason.
8. júlí -  Netagerð á Akureyri. Sigurgeir  Guðjónsson.
12. ágúst - Kynning á ullarvinnslu frá Gilhaga.
19. ágúst  - Sennilega erindi um skinnaiðnað. Þórarinn Hjartarson.
26. ágúst - Jón Arnþórsson bjargvættur Iðnminja. Jóna S. Friðriksdóttir.
Allir fyrirlestrar eru kl. 12.00.
Aðra fimmtudaga verður boðið upp á myndbandsýningar kl. 13.00 og kl. 15.00.
Nánari upplýsingar hjá Þorsteini E. Arnórssyni safnstjóra Iðnaðarsafnsins s. 462-3600 eða 891-7927. 
http://www.idnadarsafnid.is/is