Föstudaginn 16. febrúar hélt Dr. Sigurgeir Guðjónsson, sagnfræðingur, fyrsta erindið á Fyrirlestraröð AkureyrarAkademíunnar og Öldrunarheimila Akureyrar. Sigurgeir fjallaði um Vélstjórafélag Akureyrar (1919-1967) og mikilvægi mótorvélstjóra í atvinnu uppbyggingu landsins í byrjun 20. aldar. Hann fór yfir félgslífið í kringum félagið og mikilvægi þess í stuðningi við ýmiskonar velferðarmál í nærsamfélaginu.
|
Föstudaginn 9. mars fer fram annar fyrirlesturinn í fyrirlestraröð AkureyrarAkademíunnar og Öldrunarheimila Akureyrar. Ólafur B. Thoroddsen, kennari og landfræðingur, mun halda erindi undir yfirskriftinni: Hvallátrar - sveitin mín vestur í Útvíkum. Hvallátur er vestasta byggða ból á Íslandi. Þar hefur verið byggð frá Landnámstíð og auk hefðbundins búskapar var þar stundað útræði af heimamönnum og einnig var þar útver þar sem aðkomumenn gerðu út á vorvertíð allt fram að aldamótum 1900. Stutt var á gjöful steinbítsmið og sprökuveiði góð. Látrabjarg var óþrjótandi matarkista sem gaf egg og fugl en tók líka sinn toll því ófáir létu þar lífið við að sækja þangað björg í bú. Margur sjómaðurinn var kollvættur undir Bjargi og Látraröst "Gamla konan" gat verið strembin minni og stærri bátum. Flestir þekkja til Björgunarafreksins við Látrabjarg er heimamenn björguðu sjómönnum af breska togaranum Dhoon við mjög erfiðar aðstæður í desember árið 1947. Um þetta mun Ólafur fjalla um í máli og myndum í samkomusalnum Hlíð föstudaginn 9. mars kl. 13:30. Aðgangur er ókeypis og allir velkomnir.  Síðastliðinn vetur hóf AkureyrarAkademían nýtt samstarfsverkefni með Öldrunarheimilum Akureyrar. Margrét Guðmundsdóttir, sagnfræðingur og fv. stjórnarformaður AkAk, fékk þá hugmynd að bjóða upp á fræðandi fyrirlestra fyrir íbúa á öldrunarheimilunum. Úr varð að sendar voru inn fjölmargar tillögur að erindum sem heimilisfólk og starfsfólk á Öldrunarheimilunum valdi úr. Þetta nýja samstarfsverkefni vakti mikla ánægju og var því ákveðið að bjóða aftur upp á fyrirlestraröð á Hlíð. Dr. Sigurgeir Guðjónsson. sagnfræðingur, mun flytja fyrsta erindi vetrarins. Hann mun fjalla um Vélstjórafélag Akureyrar (1919-1967). Fyrirlesturinn fer fram föstudaginn 16. febrúar kl. 13:30 í samkomusalnum á Hlíð og eru allir hjartanlega velkomnir!  |
Eldri fréttir
May 2020
|
RSS Feed