Fimmtudaginn 14. janúar sl. voru Margrét Guðmundsdóttir og Þórarinn Hjartarson sagnfræðingar og akademónar með fyrirlestur fyrir íbúa á öldrunarheimilum Akureyrarbæjar.

​Fyrirlesturinn hét: "Sigríður á Tjörn. Lífsganga sveitakonu. Myndbrot og minningar".  Fyrirlesturinn byggðist á textum sem börn Sigríðar hafa safnað og gefið út í bók sem Sigríður hefur skrifað og viðtölum sem hafa verið tekin við hana. Fjallað var um minningar Sigríðar um æsku og uppvöxt í Skagafirði, lesnar stuttar glefsur úr sendibréfum sem hún ritaði og sýndar myndir úr lífi hennar. 

Gert er ráð fyrir að næsti fyrirlestur í fyrirlestraröð akademóna fyrir íbúa á öldrunarheimilunum verði í næsta mánuði. 

Dr. Sigurgeir Guðjónsson sagnfræðingur og akademóni birti nýlega grein í Vefni, Vefriti félags um 18. aldar fræði https://www.vefnir.is/ 

Greinin heitir: „Jón Hjaltalín landlæknir og vandi geðveiks fólks á Íslandi“.