Ársfundur AkureyrarAkademíunnar 2020 var haldinn 20. maí sl. Stjórn AkAk var endurkosin fyrir starfsárið 2020-2021 og skipa hana eins og áður Steinunn A. Ólafsdóttir formaður, Ólafur B. Thoroddsen gjaldkeri og Sigurgeir Guðjónsson ritari. Í fulltrúaráð AkAk 2020-2021 voru kosnar Dr. Arndís Bergsdóttir, Bergljót Þrastardóttir, Dr. Martina Huhtamaki og Dr. Valgerður S. Bjarnadóttir. Á fundinum var ennfremur lögð fram skýrsla stjórnar um starfsárið 2019-2020, ársreikningur AkAk 2019, rekstraráætlun AkAk fyrir árið 2020 og samþykktar breytingar á skipulagsskrá stofnunarinnar. 

Árbók Ferðafélags Íslands 2020, sem fjallar um Rauðasandshrepp hinn forna, er nýkomin út. Bókin fjallar um svæðið frá Tálkna í norðri að Stálfjalli í suðri. Fyrir þá sem ekki átta sig á þessum örnefnum þá nær svæðið yfir Patreksfjörð, Rauðasand, Látrabjarg og Útvíkur sem eru Látravík, Breiðavík og Kollsvík. Í bókinni er fjallað um landið, náttúrufar og fornar leiðir um héraðið og svo söguna þar sem mannlíf, útgerð og sjósókn skipa öndvegi.

​Annar aðalhöfundur bókarinnar er Akademóninn, Ólafur B. Thoroddsen, en hinn aðalhöfundurinn er Gísli Már Gíslason prófessor í líffræði við Háskóla Íslands. Báðir rekja þeir ættir  til Rauðasandshrepps hins forna. Ólafur er fæddur og uppalinn á Patreksfirði og var mörg sumur í sveit á Hvallátrum og Gísli Már ólst að hluta til upp á Hvallátrum en er Reykvíkingur.
Bókin er prýdd mörgum myndum af svæðinu og flestar þeirra tók Daníel Bergmann sem er ljósmyndari með meiru.
 
Á meðfylgjandi mynd er hampar Ólafur bókinni góðu eftir áritun nokkurra eintaka fyrir Ferðafélag Íslands. Með honum á myndinni er Páll Guðmundsson framkvæmdastjóri Fí og Þóra Ákadóttir (eiginkona Ólafs) sem bauð til vöfflukaffis í tilefni af útkomu bókarinnar.

Ársfundur AkAk 2020 verður haldinn miðvikudaginn 20. maí nk. í húsnæði stofnunarinnar Sunnuhlíð 12, Akureyri og er dagskráin eftirfarandi: 
Fundur hefst kl. 20:00 á því að fundarmenn kjósa ritara og fundarstjóra. Steinunn A. Ólafsdóttir býður sig fram sem ritari og Sigurgeir Guðjónsson býður sig fram sem fundarstjóri.
Dagskrá ársfundar er eftirfarandi:

1. Skýrsla stjórnar.
   1. Steinunn A. Ólafsdóttir, stjórnarformaður.
2. Endurskoðun reikninga.
   1. Ólafur B. Thoroddsen, gjaldkeri, kynnir ársreikning.
3. Upptalning fulltrúa.
   1. Aðalheiður Steingrímsdóttir, framkvæmdastjóri, telur upp fulltrúa.
4. Kjör formanns og fulltrúaráðs.
   1. Ársfundur kýs sjö manna fulltrúaráð. Stjórn er skipuð þremur einstaklingum úr fulltrúaráði. Formaður er kosinn sérstaklega. Fulltrúaráð kýs úr sínum röðum gjaldkera og ritara.

i.Þeir sem hafa boðið sig fram í fulltrúaráð:

1. Steinunn A. Ólafsdóttir, formaður.
2. Ólafur B. Thoroddsen, gjaldkeri.
3. Dr. Sigurgeir Guðjónsson, ritari.
4. Dr. Arndís Bergsdóttir, fulltrúaráð.
5. Dr. Martina Huhtamäki, fulltrúaráð.
6. Bergljót Þrastardóttir, fulltrúaráð.
7. Dr. Valgerður S. Bjarnadóttir, fulltrúaráð.

1. Fjárhagsáætlun og árgjald.
   1. Aðalheiður Steingrímsdóttir, framkvæmdastjóri, leggur fram rekstraráætlun fyrir 2020.
   2. Árgjald er nú 1500 kr. Stjórn leggur til óbreytt árgjald.
2. Breytingar á skipulagsskrá. Stjórn leggur til breytingar á skipulagsskrá samkvæmt meðfylgjandi tillögum með útsendri dagskrá ársfundar.
3. Önnur mál.
   1. Starfsstefna AkAk/starfsáætlun samkvæmt skipulagsskrá AkAk.
   2. Mánaðarlegir súpufundir fulltrúa AkAk.
   3. Vorferð fulltrúa.
4. Fundi slitið.

 

Ársfundur AkureyrarAkademíunnar (AkAk) 2020 verður haldinn miðvikudaginn 20. maí nk. kl. 20:00 í  húsnæði stofnunarinnar að Sunnuhlíð 12, 603 Akureyri.

Á dagskrá eru aðalfundarstörf samkvæmt 11. gr. skipulagsskrár AkAk:
    1. Skýrsla stjórnar.
    2. Endurskoðun reikninga.
    3. Upptalning nýrra fulltrúa.
    4. Kjör formanns og fulltrúaráðs.
    5. Fjárhagsáætlun og árgjald.
    6. Breytingar á skipulagsskrá.
    7. Önnur mál.
 
Vakin er athygli á því að samkvæmt 8. gr. skipulagsskrár AkAk er atkvæðisréttur á ársfundi bundinn við þá sem greiða árgjald fyrir ársfund en fundurinn er engu að síður öllum opinn.
 
 F.h. AkureyrarAkademíunnar
 Steinunn Arnars Ólafsdóttir
Formaður stjórnar